GENERAL SANTOS CITY – Gimanduan na ni City PNP Director P/Col. Gilberto Tuzon ang investigating section sa General Santos City Police Office (GSCPO) nga imbestigahan ang alegasyon batok kang P/Major Nemecio Calipjo, chief of police sa Bula PNP nangulata og usa ka curfew violator.
Matud pa kang Tuzon nga iyang personal nga giadtuan ang Bula PNP aron tan-awon ang area.
Samtang gihingusgan sa nasampit nga opisyal kung may nahimo nga kasaypanan ang mga pulis dili niini palagpason tungod walay exempted usab sa balaod.
Una niini hugot nga gipanghimakak ni Calipjo,ang alegasyon ni Rochard Tagpuno Malones ngadto kanila.
Sumala pa ni Calipjo, gisita si Malones tungod naabtan na sa curfew apan ang tulo niini ka mga kauban ang nanagan og ang nasampit lamang ang nadakpan.
Gikadugang pa nasampit nga chief of police nga nakainom si Malones og dihang pasakyon sa patrol car sige og singgit og nanumbag sa mga pulis hinungdan nga gidala sa presinto.
