GENERAL SANTOS CITY – Gipasalig ni P/Col. Gilberto Tuson, ang labaw sa General Santos City Police Office nga manubag si Staff Sergeant John Rey Daligdig kung mapamatud-ang may kamatuoran ang reklamo batok kaniya nga nanghikap og sampot sa usa ka dalaga og pagpanghadlok sa mga igsuon niini.
Una ng namahayag si Col. Tuzon sa Bombo Radyo nga gipaimbestigahan na niya sa Bula Police Station ang nahitabo samtang gikuha sa iyang hepe nga si P/Maj Ananias Vasquez ang service firearm ni Daligdig aron dili niini magamit.
Kahibaluan nga restricted karon sa Pendatun Police Station si Daligdig human sa panghitabo.
Samtang gipaabot sa Bombo Radyo ngadto kang Col. Tuson ang impormasyong gagawas sa maong presinto si Daligdig gawas pa nga ginatugutan nga makamaneho sa ilang patrol car bisan nga direktiba niining restricted sa estasyon ang gireklamo nga pulis
Sa pamahayag ni Col. Tuzon nga hatagan sa kapulisan og igong seguridad og assistance ang pamilya sa reklamante human nga desidido na kining mupasaka og kaso batok kang Daligdig.
Gibutyag nga ipaagi ang tanan sa proseso.
Kahibaluan nga kaniadtong Sabado, nangayo og tabang sa Bombo Radyo ang mga reklamante human nga gihimak matud pa ni Daligdig ang sampot sa usa ka babaye.
Gikabutyag nga niadtong tungura, anaa sa impluwensya sa ilimnong makahubog ang maong pulis kung asa gisinggit-singgitan ang mga igsuon sa dalaga gawas pa nga gihadlok nga adunay pusil sa sakyanan niini.
Gumikan niini, gireklamo sa amahan sa mga nasampit si SSgt Daligdig.
Kahibaluan ang maong panghitabo ang nakuhaan og video footage kung asa usa sa mga magsilbing ebidensya sa pagpasang-at og kaso batok sa maong pulis.
