GENERAL SANTOS CITY – Nasuko na si P/Col. Aden Lagradante sa sunod-sunod nga pagpanulis sa dakbayan.
Sumala pa ni Lagradante nga nag-warning na kini ngadto sa mga police station commanders nga dili pasagdan ang ilang area of responsibility.
Matud pa niini nga grupo ang gahimo sa maong mga krimen tungod gapuli-puli na ug motorsiklo ug istilo.
Kinahanglang usab nga mag-igmat ang mga kapulisan tungod oportunidad lamang ang ginahulat sa mga nahisgutan apan kinahanglang pangitaan ug paagi nga masikop ang mga suspetsado.
Nagpahinumdom usab kini sa katawhan nga mahimong magbinantayon ug matabang sa kapulisan aron nga dili magmalampuson ang mga naasoyng dautang elemento.
Kahibaluan nga daghan ang nabalaka sa syudad nga sunod-sunod na ang pagpanulis nga natigayon.
