ENERAL SANTOS CITY – Gimando ni City PNP Director Police Col. Aden Lagradante ngadto sa walo ka mga station commanders sa syudad nga angayang ipahigayon ang case build up sa sunod sunod nga mga pagpamusil nga natigayon sa dakbyan.
Angayang sayron ang motibo sa insidente aron mapasakaan og kaso og manubag ang mga responsable sa mga kremin.
Kamanduan usab ni Col. Lagradante ngadto sa mga chief of police nga angayang mas pahugtan pa ang intelligence monitoring aron dili makahimo og kremin ang pipila ka mga dautang elemento.
Kahibaluan nga ang labing ulahing biktima mao si Rodel Pagaduan nga napusilan sa palengke kagahapong adlawa kung asa nagpabilin pa sa ospital.
Sa miaging Septiembre 25 sa hapon gipusil patay sa City Heights ang usa ka traysikad driver nga si Peter Samson.
Una sa maong panghitabo, angol ang duha ka indibidwal human nga gipusil sa Apopong ning syudad.
Giila ang mga nahisgutan nga silang Richie Gaballes nga taga Purok Pearly Shell Bula ug si Rodel Lumarda, Purok chairman sa Santa Gemma, Tambler.
Samtang Septiembre 23 sa gabii gipusil patay usab ang si Rolando Navarette II nga gikaingon nga nalamibigit usab sa ilegal nga droga.
Una niini gipusil patay samtang anaa sa sulod sa iyang tricycle si Roland Dela Cerna, nga taga Tambler ning syudad.
