Nagtuo si kanhi Senador ug Justice Secretary Leila de Lima nga may nahibaw-an si PLtCol. Jovie Espenido tungod sa giingong paglambigit niya sa illegal drug trade.
Gihimo ni De Lima ang maong pamahayag subay sa testimonya kagahapon ni self-confessed drug lord Kerwin Espinosa sa hearing sa Quad Committee sa House of Representatives
Nagtuo si de Lima nga bisan og nitestigo na si Espenido sa nangaging mga pagdungog sa Quad Comm, daghan gihapon siyang nahibaw-an sa mga kahiwian sa kampanya batok sa ilegal nga drugas sa miaging administrasyon.
Partikular nga gitumbok sa kanhi Senador ang unang mga pamahayag ni Espenido sa panahon ni kanhi PRRD nga si de Lima giingong protektor sa ilegal nga drugas.
Kahinumduman nga sa unang testimonya ni Espenido atubangan sa Quad Committee, giangkon niya ang giingong planong pagpatay sa mga personalidad sa ilegal nga drugas ubos sa ‘qouta and reward system’ nga gipatuman sa PNP.
