-- ADVERTISEMENT --
GENSAN-Gipaklaro pa ni Dr. Ryan Oscar M. Aplicador, chief of hospital sa Dr. Jorge P. Royeca City Hospital, ang “Code White” memo nga nagkatag online ang para lamang sa internal preparedness drill og dili ‘warning’ kalabotan sa gitawag nga “Big One” nga linog.
Matud kang Aplicador, ang Code White nagsilbi nga standard protocol gidesinyo aron palihukon ang tanang personnel sa ospital atol sa mga importanteng events o mga emergeny.
Gibutyag niini nga tumong sa drill aron masuta ang kaandam sa mga tambalanan.
Nanawagan si Dr. Aplicador sa mga katawhan nga berepikahon una ang impormasyon pinaagi sa mga opisyal nga tinubdan og likayan ang magpakatag ug fake news nga magresulta og kalibog og kahadlok
