GENERAL SANTOS CITY – Nahimong generally peaceful ang natigayong filing sa certificate of candidacy sa tibuok Region 12.
Kini ang gibutyag sa Comelec-12, kung asa ginaandam na ang pinal nga listahan sa tanang mga kandidato nga isumite sa Comelec Head Office.
Kahibaluan nga dinhi sa GenSan, 35 ka kandidato ang magtigi alang sa 14 ka lokal nga posisyon. Upat ang nagsumite ug COC alang sa pagka-mayor, nga mao silang incumbent Mayor Ronnel Rivera sa PCM, si Jay Omila Jr. sa AIM, ug ang mga independent nga silang Boy Borja, ug ang historian nga si Jong Ramirez. Sa pagka-bise mayor, mao silang ABC President Lorelie Pacquiao sa PCM, si Atty. Tonton Acharon sa AIM ug Ryan Rivera sa KBL.
Sa pagka-konsehal, sa PCM mao silang incumbent City Councilors Rosalita Nunez, Lourdes Casabuena, Shandee Llido-Pestanio, Edmar Yumang, Dominador Lagare Jr., Ramon Milleza, Brix Tan, Vandyke Congson, Franklin Gacal Jr., ug silang Cirilo Forones, Jonathan Blando, ug Rodolfo “Dr.Love” Ladrera sa PCM, samtang a AIM, mao silang Odjok Acharon, Bing Dinopol, Virgie Llido, Atty. Jong Gonzales, Richard Atendido, Ed Leyson, Jun Avila, kanhi kapitan sa Bula nga si Remus Boy Declaro, kanhi kapitan sa Brgy South nga si Alvin Veneracion, retiradong principal Renato Odi, kanhi City accountant Federico Cabanit, ug Bebe-I Gonzales.
Anaa usab si Pastor Neri Clam ilawom sa Workers and Peasants Party, samtang may duha ka independent nga silang Benjamin Rivera Jr. ug Gary Dayrit Sr.
Dungan niini, nagpahimangno ang Comelec sa mga political aspirant nga dili una mangampanya ug magbaton ug delicadeza.
Matud ni Atty April Mitsor-Miguel sa Comelec-GenSan, ang election period magsugod sa Enero 13 hangtod Hunyo 12 sunod tuig, kung asa magsugod ang campaign period sa national position sa Pebrero 12, samtang sa local sa Marso 30 hangtud sa Mayo 11, 2018.
