Nahimong garboso ang closing ceremony sa 2024 Paris Olympics.
Usa-usa nga miparada ang mga atleta sa nagkadaiyang mga nasud sa Staed de France kung asa dala-dala niini ang ilang mga medalya.
Nagperform sa maong stadium ang mga local nga artist og singer sa France sama sa indie rock band nga Phoenix og si Allan Roche nga mitugtog og piano samtang nagbitay.
Usa sa mga giatangan pagmaayo sa mga nagtan-aw ang pagbalhin sa Olympic flag sa Los Angeles nga maoy sunod nga host sa Olympics 2028.
Kini tungod gawas sa pagtunol ni Paris Mayor Anne Hidalgo sa Olympic Flag kang Los Angeles Mayor Karen Bass ug kini gidala niya kang US gymnast Simone Biles samtang nagtindog usab sa atubangan si International Olympic Committee president Thomas Bach.
Human niini gipatugtog ang national anthem sa US nga gikanta ni Filipino-American singer H.E.R. kung asa giatangan sa mga nagtan-aw ang paggawas sa Hollywood actor Tom Cruise nga bitbit ang Olympic flag una milukso sa taas sa stadium.
Gipasigarbo usab ni Paris Olympic organizing committee head Tony Estanguet nga ang Olympics sa ilang nasud adunay pinakadaghang audience size, attendance og decibel levels.
Dugang pa niini nga ang maong Olympics sa Paris mitala usab og daghang ihap sa mga gipahigayong marriage proposals sa mga mag-uyab nga nagtan-aw.
Dungan usab sa programa sa Paris, nahimong star-studded ang pagperform sa Venice Beach sa Los Angeles kung asa gipangunahan sa bandang Red Hot Chili Peppers, Billie Eilish, Dr. Dre og Snoop Dogg.
Sa maong Olympics sa USA maoy ikaupat nga higayon human ang 40 ka tuig nga una kaniadtong 1980 sa New York, 1984 sa Los Angeles og 1996 sa Atlanta, Georgia.
