Nadawat na sa Clerk of Court karong adlawa Biyernes, June 27, ang dokumento nga naglangkob sa tubag sa House prosecution panel sa tubag ni Bise Presidente Sara Duterte ad cautelam o tubag sa writ of summons nga giisyu kaniya.
Si Senate Secretary Renato Bantug, kinsa maoy clerk of court sa impeachment court nakadawat sa mga dokumento ala 1:38 sa hapon.
Anaa sa 37 panid ang dokumento sa reply sa prosekusyon wala pay apil ang signature page.
Matud kang Bantug, nadawat na nila ang kompletong mga dokumento nga naglangkob sa tubag ad cautelam ni VP Sara ug tubag sa prosekusyon niini.
Karong Lunes, hatagan og kopya ni Bantug ang matag senador tungod sa pagkakaron, walay makadawat niini sa ilang mga buhatan.
Sapagkakaron, nakadepende na sa impeachment court ang sunod nga mamahimong lakang karong nakasumiter na sa mga dokumento gikan s aduha ka partido.
