Clearing operation sa mga lugar nga naapektuhan sa baha sa Davao Occidental, gisugdan na

Gisugdan na sa mga otoridad ang clearing operation sa mga lugar nga naapektuhan sa pagbaha sa Jose Abad Santos (JAS), Davao Occidental aron matangtang ang mga debris nga nakababag sa mga karsada ug ubang apektadong lugar.

Gipangunahan sa Provincial Disaster Risk Reduction and Management Office (PDRRMO) sa Davao Occidental ang operasyon uban ang tabang sa Municipal DRRMO Malita ug 73rd Infantry Battalion sa Philippine Army.

Pinaagi sa maong operasyon, gipaninguhaan sa mga ahensya nga mapadali ang pagbalik sa normal nga agi-anan sa mga residente ug matabangan ang mga komunidad nga naapektuhan sa pagbaha.