Clearing operation gihimo sa Cagampang Street batok sa obstruction sa dalan

Nagpahigayon og clearing operation ang Central Public Market Office sa may Cagampang Street, ning syudad aron matanggal ang mga babag sa dalan ug matabangan nga mahan-ay ang mga naglaray nga vendors sa maong lugar.

Ang operasyon gitumong aron masiguro ang hapsay nga agianan sa mga motorista ug pedestrian, ingon man mapadayon ang kalimpyo ug kahapsay sa palibot sa merkado.

Gipahinumdoman ang mga vendors nga mosunod sa mga patakaran sa pagbaligya ug paggamit sa pampublikong lugar aron malikayan ang pagbabag sa dalan ug malikayan ang posibleng aksyon gikan sa mga otoridad.

Matod sa Central Public Market Office, magpadayon ang ilang pagmonitor ug pagpatuman sa mga lakang aron mapadayon ang kahapsay sa merkado ug sa mga kasikbit nga lugar.