Gipaambit sa aktres nga si Claudine Barretto sa iyang social media ang bag-o niyang pagka-ospital tungod sa depresyon, dungan sa panawagan sa publiko nga dili magdali-dali og hukom sa kahimtang sa uban.
Sa video nga iyang gi-post niadtong Agosto 24, makita siya nga nag-gakos sa iyang doktor ug naghigda sa hospital bed samtang gihapuhap sa iyang anak nga si Noah.
Pipila ka mga personalidad sama nila ni Vilma Santos, Vina Morales, ug Small Laude ang nipaabot usab sa ilang suporta.
Kahinumduman nga gipaambit kaniadto sa aktres nga makapila na siya ka higayon nga miboluntaryo sa rehabilitasyon tungod sa post-traumatic stress disorder, ug dili tungod sa isyu sa droga.
Gipaambit usab niya kaniadto ang iyang kasinatian sa depresyon ug sexual harassment.
Bisan pa sa iyang giagian, aktibo gihapon si Claudine sa pagtabang sa uban, sama sa pagpang-apod-apod og pagkaon ug bugas sa mga biktima sa sunog sa Tondo, Manila karong bag-o.
