Nakakuha og atensyon ang representante sa Pilipinas nga si CJ Opiaza sa preliminary competition sa Miss Grand International pageant sa Thailand.
Sa swimsuit round, gipainit niini ang stage pinaagi sa iyang fit and sexy body sul-ob ang iyang golden swimsuit nga giubanan pa sa iyang perfect pasarela.
Sa evening gown competition usab, napa-wow ang mga mitan-aw sa sul-ob niya nga Ryan Ablaza Uson piece nga inspired sa “the elegance of the Pagoda Thai Temple and of the Thai Talisman Icon”.
Ang koronasyon sa Miss Grand International 2024 nga mao ang 12th edition sa pageant ang gikatakda sa Oktubre 25 sa MGI Hall, Bravo BKK Mall, Bangkok, Thailand.
Mukabat sa 69 ka mga contestants ang mag-indigay alang sa handom nga korona.
Kun mahimong palaron, si Opiaza ang mahimong labing una nga Pinay nga makabitbit sa maong titulo sa Pilipinas.
