City Veterinary Office, padayon sa pagpanakop sa mga galatagaw nga iro

GENSAN – Giangkon ni Dr. Emil Gargaran sa City Veterinary Office nga may panahon nga dili mag-operate sila sa pagpanakop sa mga galatagaw nga iro gumikan puno ang impounding area.

Gikadugang pa ni Galagaran nga dili pwede nga idasok ang tanan sa impounding area gumikan supak usab sa balaod.

Ang mga gidakop nga mga iro ang dad-on sa impounding area sa Sinawal og didto na lukaton sa tag-iya.

Sumala pa ni Gargaran ilang ipailawom sa euthasia o mercy killing base sa balaod kung dili malukat ang iro.

Apan magbayad ang tag-iya sa paglukat sa iyang iro.

Gihimo ang pagpanakop sa mga galatagaw nga iro aron mapugngan ang pagkatag sa rabies .