GENERAL SANTOS CITY – Hugot ang panawagan sa City Veterinary Office nga kung talagsaong panghitabo nga namatay ang mga poultry animals susama sa manok, pato kinahanglan nga makig-alayon sa ilang buhatan.
Matud pa kang Dr. Antonio Marin, department head sa City Vetirinary Office nga tungod nakatutok ang ilang buhatan sa pagkatap sa avian flu o bird flu virus.
Sa iyang pamahayag nga mas gipalapdan og gipahugtan ang kampanya batok sa bird flu gumikan daghang usab ang maapektuhan sa dakbayan kung kini makasulod.
Sa iyang pahayag nga may natala na nga namatay nga pato gikan sa Tacurong City og Mlang, Cotabato nga gituohan nga natakdan sa migratory birds.
Kahibaluan nga sa Luzon apektado usab sa bird flu. Sa mga checkpoints ilang gipangita ang mga dokomento sa mga gibiyahe nga mga poultry products.
