GENERAL SANTOS CITY | Nagpaklaro si Dr. Emil Gargaran gikan sa City Veterinary Office sa dakbayan sa Heneral Santos kalabutan sa executive order ni Mayor Lorelie Pacquiao nga tugtan ng makaagi dinhi sa dakbayan ang mga ibaligya nga baboy gikan sa red zone areas gumikan sa African Swine Fever kon ASF.
Matud pa ni Dr. Gargaran adunay hugot nga patakaran una tugutan nga makasulod dinhi sa syudad ang mga produktong baboy, ug matud pa niini kinahanglan nga magsumite ug mga dokumento kadtong mga piggery owners ug angayang makatuman sa mga rekositos. Gikadugang pa niini nga ilang personal nga adtuan ang mga piggery nga nagsumite ug aplikasyon aron makasiguro nga nakatuman sa mga standards.
Gihingusgan pa ni Dr. Gargaran nga dili gihapon basta-basta makasulod dinhi sa syudad ang mga produktong baboy gumikan nagpabilin nga 24 oras ang mga ASF checkpoints. Kadtong mga piggery lamang nga nakatuman sa rekositos ang angayan nga tugutang makasulod dinhi sa dakbayan. Sa pamahayag ni Dr. Gargaran nga upat pa lamang ka mga piggery ang nakasumite sa mga rekositos sa ilang buhatan ug angayan pa nila kining beripikahon.
