Nagpahinumdum ang City Veterinary Office sa publiko kung unsa ang mga angayang himoon kung may susamang panghitabo sa fishport nga napaakan og gituohan nga irong buang ang tulo ka mga tawo.
Matud pa ni Dr. Antonio Marin, department head sa City Vet nga angayang tawagan ang ilang opisina aron sila ang magdakop sa iro. Apan kung napatay ang iro angayang ipahibalo gihapon kanila ang insidente.
Gikadugang pa ni Dr. Marin nga kung agresibo nga mamaak na ang iro senyales nga may rabies apan angayang ipailawom sa test.
Sa mga mapaakan sa iro angayang magpa-injection gilayon sa Animal bite center sa Dr. Jorge Royeca Hospital og sa Rural Health Unit sa Barangay Labangal.
Sa pamahayag ni Dr. Marin nga aron dili matakdan sa rabies ang iro angayang pabakunahan nga usa sa mga libreng serbisyo sa ilang buhatan. Nasayran wala nakamatikod ang mga tawo nga may iro hinungdan nga sila napaakan.
Tungod niini nagkaguliyang ang mga taga fishport nga ilang gigukod ang maong iro hangtud nga napatay. Hinoon wala nasayran kung asa gikan ang maong iro.
