GENERAL SANTOS CITY – Gipaklaro ni Dr. Antonio Marin, department head sa City Veterinary Office sa dakbayan nga dili outbreak ang nahitabo sa pagpositibo sa samples sa babaoy nga nakuha gikan sa Purok San Lorenzo Ruiz, Apopong ning dakbayan.
Sa iyang pamahayag nga infected ang pagtawag sa mga baboy gumikan isolated ang nahitabo.
Matud pa ni Marin nga sa dihang nakumpirma nga positibo sa ASF ang mga baboy gilayon nga nakig-alayon sa Department of Agriculture, sa lakip sa South Cotabato Swine Producers Association (SOCOSPA).
Giangkon ni Marin nga ang SOCOSPA ang naghatag og P1.4 million nga gihatag sa mga residente nga gikuha ang mga baboy alang sa ipahigayon nga culling.
Gibutyag pa niini nga kung hulaton ang kwarta gikan sa lokal nga gobyerno dugay pa mahitabo gumikan taas ang proseso .
Kahibaluan nga anaa sa 508 ka baboy ang gipailawom sa culling kung asa sulod sa tulo ka adlaw nahurot og kuha ang tanan.
Nasayran nga Enero 12 unang natala nga may namatay nga baboy sa area dayon gisundan Enero 15 kung asa gireport sa ilang opisina ang nahitabo Enero 21 og gilayon nga nagkuha og samples nga napamatud-an nga positibo sa ASF.
Sa pagkakaron kontrolado na og contained ang ASF sa maong lugar.
