GENERAL SANTOS CITY — Gi-awhag ni Zenaida Galang Eturma, MPA, – Head treasurer sa dakbayan ang mga business owners sa Gensan nga wala pa nakapag-renew o nakakuha ng business permits nga gamiton ang Electronic Business One Stop Shop (EBOSS) aron mapadali ang proseso.
Sumala ni Eturma, pinaagi sa EBOSS, pwede na ang pagbayad sa business permits online gamit ang online banking, nga nagpasabot nga dili na kinahanglan moadto pa sa opisina o maghulat sa pila.
Ang online system nagtinguha sa mas paspas ug mas episyenteng serbisyo alang sa mga negosyante, ug makatabang sa paglikay sa mga surcharge o penalties tungod sa late renewal. Giingon ni Eturma nga kini nga serbisyo usa ka oportunidad sa tanan nga negosyante aron mapadali ang ilang business transactions ug makapokus sa pagpadagan sa negosyo.
Ang EBOSS accessible sa tanan ug para sa dugang detalye ug giya sa paggamit sa sistema, ang mga negosyante pwede moadto sa website nga www.filipizen.com
