GENERAL SANTOS CITY – Mukabat sa P423 million business tax ang na-assessed sa City Treasurers Office sa miaging One Stop Shop alang sa renewal sa business permit sa mga negosyo sa dakbayan.
Miusbaw og 35 milyones ka pesos itandi sa tuig 2019 kung asa anaa sa P388 million.
Miusbaw usab ang nahimong koleksyon sugod Enero 2 hangtud 20 2020 kung asa mukabat sa P216 million itandi sa susamang panahon sa miaging tuig nga mukabt lamang sa P179 Million.
Target sa City Treasurers Office nga makakolekta ning tuiga og P400 million nga business tax apan gilauman nga mudako pa ang ilang koleksyon tungod daghang negosyo sa dakbayan ang bag-ong gitukod samtang ubay-ubay gihapon ang wala pa nakarenew sa business permit.
Sa renewal sa business permit, nasuta nga mukabat sa 336 ang bag-ong negosyo nga nitukod sa syudad.
