GENERAL SANTOS CITY – Gipalagpot sa puwesto si City PNP Director Police S/Supt. Raul Supiter isip labaw sa GenSan City Police Office (GSCPO).
Dihang nakahinabi sa Bombo Radyo GenSan, daw sa masuk-anong gikumpirma ni Col. Supiter nga gi-relieave na siya sa pwesto, epektibo, Marso 25, 2019.
Daw sa milikay usab kini nga ibutyag ang rason sa pagpalagpot kaniya sa puwesto.
Sa nakalap nga impormasyon sa sibyahanan, gituboy ni PNP 12 Regional Director P/Chief Supt. Eliseo Tam Rasco si P/Sr. Supt. Oliver Inmodias, ang Deputy Regional Director for Operation sa Police Regional Office 12 isip acting PNP city director sa siyudad.
Nasayran nga gilayon usab nga gibutang sa floating status si Supiter.
Kahinudmuman ngsa sa pakighinabi sa Bombo Radyo GenSan, giduot sa usa ka Shiela Agustin si Col. Supiter nga usa sa gapadagan sa Pulis Paluwagan Movement (PPM) nga naak-engganyo matud pa sa halos 95 porsyento sa kapulisan sa GenSan.
Apan hugtanong gipanghimakak ni Supiter nga may kasayuran siya sa maong investment scam ug gihingusgan nga wala siya nag-invest ug kaugalingong salapi sa PPM.
Kahinumduman usab nga una nang ginaduso sa mga konsehal ning siyudad nga mapalagpot si Supiter gumikan sa sunud-sunod nga pagpamusil-patay sa siyudad.
