GENSAN- Nagpahimangno ang labaw sa mga kapulisan sa dakbayan sa Gensan sa tanang mga sakop nga pulis may kalabotan sa pagpabuto sa ilang mga armas dungan sa pagsugat sa Bag-ong Tuig.
Matud ni Police Col. Nicomedes Olaivar Jr., City PNP Director sa Gensan City Police Office, usa ka dakong kalapasan ang indiscriminate firing hilabina sa ilang han-ay maong angay kining likayan.
Kinsa man ang malambigit niini, mamahimong matanggal sa serbisyo og mag-atubang sa kasong administratibo og kasong kriminal.
Kampante si Olaivar nga walay pulis sa dakbayan ang magpabuto ug pusil ug mag-inum dungan sa pagsugat sa bag-ong tuig, tungod sila usab nasayod kung unsa ang sangputanan kun musupak.
Sa pamahayag sa nasampit nga opisyal nga isip tinugyanan sa balaod, angay nga sila ang mamahimong modelo sa katawhan sa maayong binuhatan.
