GENERAL SANTOS CITY -Human sa ilang trabaho sa pagproseso sa mga business permits, sunod nga himuon sa grupo ni Geraldine Zamora sa City Permits and Licensing Division mao ang pagpahigayon ug inspeksyon.
Sumala pa nga suhiron nila ang tanang sa tanang mga establisyimento sa dakbayan, aron sutaon kon kinsa ang mga dili rehistrado ug walay business permits o kaha wala nag-renew.
Nasayran nga target sa ilang buhatan sa nakalabay’ng business renewal nga maproseso ang kapin 10,000 ka negosyo alang ning tuiga.
Apan gatuo sila nga mas daghan pa ang mga business establishments dinhi sa dakbayan.
Hinungdan nga dungan sa ipahigayon nilang inspeksyon, sutaon ang mga gipang-inspeksyon miaging tuig aron masayran kon kinsa ang wala naglihok sa ilang mga dokumento ug business permits.
Ang mga masayran nga wala naglihok sa ilang dokumento ang padal-an ug sulat ug lima ka adlaw alang sa pagproseso, ug human niini ug wala pa gihapon nakaproseso, pasirad-an na nila ang establisyimento.
