GENERAL SANTOS CITY – Gitawag ni Kag. Dominador Lagare Jr. ang labaw sa City Legal Office nga “city illegal officer”.
Atul kini sa sesyon kagahapong adlawa, kung asa gibutyag ni Kag. Lagare nga gumikan kini sa opinion sa City Legal Office nga ultra veres ang paghimo ug ordinansa kalabutan sa tuktuk nga tricycle nga ginabaligya sa nagkadaiyang kompanya sa motorsiklo sa siyudad nga may kolor green ug yellow, nga dili pwede magbyahe gumikan walay pagtugot.
Matud ni Kag. Lagare, ultra incompetent ang City illegal Office, kung asa bisan ang City Engineers Office ang miuyon sa iyang opinion nga supak sa ordinansa sa siyudad ang tuktok nga tricycle.
Kini gumikan kung basehan ang ordinansa nga ang porma sa tricycle sa syudad ang susama sa yellow plates nga tricycle ang gidak-on ug dili sa tunga ang driver.
Dungan niini, gitambagan ni Kag. Lagare ang mga kaubanang konsehal nga sunod nga i-veto sa City Illegal Office ang ipasa nila nga ordinansa, dili sila angayang masubo inay malipay gumikan dili ligal inay iligal ang nahisgutang buhatan nga ginabayaran sa katawhan pinaagi sa mga buhis ang ultra incompetent.
Gitambagan usab niya ang labaw sa City Legal Office ug “basa-basa din pag may time.”
