GENSAN– Gibutyag ni Dr. Lalaine Calonzo sa City Health Office sa dakbayan nga hinumdoman sa katawhan nga bisan pa man sa kalipay ug kasadya sa holiday season, importante gihapon nga magpabiling maampingon sa panglawas, labi na sa pagkaon ug sa estilo sa kinabuhi matag adlaw.
Matod pa niini, kasagaran sa mga handa karong panahona kay medyo bongga ug lami kaayo, sama sa lechon, hamon, fried foods, creamy ug oily nga putahe, ug daghang tam-is sama sa cake, tsokolate ug uban pang desserts.
Apan iyang gipahimangnoan nga ang sobra nga pagkaon sa fatty, oily ug sugary foods mahimong hinungdan sa seryosong problema sa panglawas sama sa heart disease, diabetes ug hypertension, labi na sa mga tawo nga aduna na daan nga kondisyon o kasaysayan sa maong mga sakit.
Gipasabot usab ni Dr. Calonzo nga ang cardiovascular diseases usa sa mga nag-unang hinungdan sa kamatayon sa nasud, busa ang pag-atiman sa kasingkasing kinahanglan sugdan sa simple nga disiplina sa pagkaon hinungdan nga likayan ang sobra-sobra nga pagkaon, ilabi na sa gabii.
