City Engineers aksyunan gilayon ang mga problema sa Streetlights nga wala nagsiga human nasayran ang hinungdan niini

GENSAN- Nakita na ang hinungdan sa problema sa kawad-on sa suga sa mga poste sa kadalanan padulong sa Barangay Buayan hangtod sa boundary sa Sarangani Province, human kini gi-inspeksyon ni City Engineer Ronald Nuñeza.

Sumala ni Engr. Nuñeza, busted na ang cut-out fuse sa maong linya, hinungdan sa kawad-on sa suga.

Apan giingon niya nga dili pa nila matandog ang transformer tungod kay napalibotan kini og dagkong sanga sa kahoy, nga posibleng delikado ilihok ilabi na nga live o adunay kuryente ang linya.

Gipaklaro usab niya nga dili konektado sa isyu sa power-saving o pagdaginot sa SOCOTECO II ang nahitabo.

Gilauman nga masulbad dayon ang problema inubanan sa koordinasyon tali sa City Engineers Office ug sa SOCOTECO II.