GENERAL SANTOS CITY – Suportado sa mga city councilors ning dakbayan ang gihimo ni DENR Sec. Gina Lopez may kalabutan sa pagpasirado sa mga kumpanya sa minahan sa nagkalain-laing bahin sa nasud.
Ug gani, sa nahitabo nga session kagahapong adlawa, gihisgutan sa Sangguniang Panglungsod ang kalabutan sa kumpirmasyon ni Sec. Lopez.
Ang hinungdan nga giatangan usab nila karong adlawa ang mahitabo nga hearing kalabot sa kumpirmasyon niini isip kalihim sa Department of Environment and Natural Resources.
Ug kon ugaling dili man matud pa makumpirma ang appointment ni Lopez, lauman matud pa ang protesta nga mahitabo sa tibuok nasud, isip suporta sa kalihim ug sa mga tumong ug gihimo niini.
Kahinumduman nga una nang gibutyag ni Sen. Manny Pacquiao, chairman sa Commission on Appointments committee on environment, nga posibleng ma-bypass ang kumpirmasyon ni Lopez, ug posibleng kinahanglang ire-appoint na lamang ni Pangulong Duterte.
Kahibaluan nga daghan ang gababag sa kumpirmasyon sa kalihim tungod sa baruganan niini alang sa pagpasirado sa mga mining companies.
Ug kagahapong adlawa wala kini nakatambong sa natigayong mining audit ug gilauman nga dili usab makatambong sa committee hearing ning adlawa kalabutan sa iyang kumpirmasyon.
