General Santos City | Pabor ang tanang City councilors sa dakbayan sa pagbabag sa open pit mining sa Tampakan, South Cotabato, kini human ilang gisuportahan ang resolusyon nga gisumiti ni Kag. Edmar Yumang.
Nahimong unanimous ang desisyon sa Sangguniang Panlungsod sa pagpasa sa maong resolusyon kung asa nalatid ang pagkontra sa dakbayan sa operasyon sa pagmina didto sa Tampakan. Ipadangat sa SP GenSan ngadto sa Sangguaning Panlalawigan sa South Cotabato og LGU-Tampakan ang kopya sa maong. Kahibaluan nga miani og nagkadaiyang reaksyon apan kasagaran pagsaway ang paglift sa ban sa open pit mining sa Tampakan. Gani, ubay-ubay mga grupo ug organisasyon apil ang taga simbahan ang nagpahigayon og lihok protesta aron ipadayag ang hugot nga pagkontra sa operasyon sa pagmina sa lugar gumikan sa dili maayong epekto niini sa daghang aspeto labaw na sa tanan ang kinaiyahan.
