Nanawagan si City Administrator Shandee Llido Pestaño sa mga residente sa Heneral Santos nga unta dili sayop ang pagtan-aw sa pagtukod sa Palengke Heneral nga makadaot sa syudad.
Matud ni Pestaño, ang maong proyekto dili hinungdan sa pagkaguba sa dakbayan, kundili usa ka lakang padulong sa mas organisado ug mas nindot nga palibot alang sa tanang katawhan.
Gipasabot usab niya nga ang pagtukod sa bag-ong palengke kabahin sa mas lapad nga plano sa lokal nga kagamhanan aron mapaayo ang imprastruktura ug mapalambo ang ekonomiya sa syudad.
Dugang pa niya, pinaagi sa maong proyekto, mas mapalig-on ang kahimtang sa negosyo ug mas mahatagan og maayong kahimtangan ang mga manininda ug mamalitay.
Ang City Administrator naglaum nga masabtan ug suportahan kini sa publiko alang sa padayon nga kauswagan sa Heneral Santos. ___Ang pamahayag ni City Administrator Shandee Llido Pestaño
