Nakabreak og Guinness World Record ang usa ka Finnish nga lalaki pinaagi sa pagbira og pinakabug-at nga sakyanan gamit ang iyang “body piercings” sa dughan nga miabot og 2,184 pounds.
Ang maong circus performer nga nailhan isip “The Baron” nagpalingkod sa iyang partner sa usa ka kalesa aron madugang ang gibug-aton.
Pinaagi sa iyang giingong pinakalig-on nga nipples sa kalibutan, nabuntog niya ang naunang rekord nga 2,179.27 pounds nga gihuptan ni Sage Werbock.
Dili kini ang unang higayon nga nakarekord siya kay kaniadto sa 2013, nabreak usab niya ang rekord sa pinakabug-at nga gibayaw gamit ang “nipples” nga miabot og 71.87 pounds sulod sa labaw 8 segundos.
Ang iyang kalampusan nagpakita sa talagsaon ug grabeng kahanas sa circus performance nga nakahatag og bag-ong milestone sa world records.
