Gitataw sa Department of Justice nga depende sa pamunoan sa National Bureau of Investigation ang pagpahigayon og imbestigasyon sa kill joke nga giluwatan ni kanhi Presidente Rodrigo Duterte batok sa mga senador.
Mao kini ang gipahayag karon ni Justice Secretary Jesus Crispin C. Remulla.
Matod niini, Motu proprio sa NBI kon mohimo sila og imbestigasyon.Dugang pa niini nga dili na kinahanglan nga mopagawas pa siya og kamanduan sa NBI nga mohimo og imbestigasyon sa dayag nga hulga ni Duterte.
Samtang nagpagawas usab ug pamahayag si NBI Director Jaime Santiago nga ang pahayag ni kanhi presidente usa lang ka ‘rhetorics’ o kabahin sa political agenda sa ilang partido.
Samtang gipasalig ni Santiago nga mohimo og imbestigasyon ang National Bureau of Investigation kon adunay mopasaka og reklamo nga senador.
