GENERAL SANTOS CITY – Gikumpirma ni Police Senior Supt. Maximo Layugan, ang PNP City Director sa GSCPO nga adunay panagtigom sa mga CICL kon Children in Conflict with the Law sa Kampo Lira.
Matud pa, matigayon kini sa adlawng Biernes, Mayo 6 kon asa magdula ang mga nasampit ug athletic games.
Gibutyag ni Layugan nga inisyatibo kini sa GSCPO nga tumong aron mapugngan o hingpit nang mahunong ang panagbangi tali sa grupo sa mga batan-on ilabina panahon sa gabie nga kasagaran musangpot sa riot.
Galaum ang nasampit opisyal nga mahimong positibo ang resulta sa maong tigom kon asa pwedegn ang mga magkabangi nga grupo ang magkahigalaay na.
Sa pahayag ni Layugan, giimbitahan nila si Rebecca Magante ang labaw sa City Social Welfare and Development Office aron mahimong speaker.
Gi-grupo og upat ang mga CICL alang sa mga padula nga ipahigayon sa Biernes.
