GENERAL SANTOS CITY -Anaa sa P12,000 ang madawat nga christmas bunos sa mga job order workers sa lokal nga gobyerno sa dakbayan.
Kini ang naaprobahan atol sa nahitabo sa miaging session. Matud pa ni Kag. Jeng Gacal, chairperson sa committee on finance sa konseho nga P10,000 ang rekomemdasyon gikan sa Executive department og mao usab ang naaprobahan sa committee level.
Apan pag-abot sa plenary nahimo na nga anaa sa P12,000.
Sa pamahayag ni Gacal nga sa sinugdanan gikasabutan nga P10,000 ang madawat sa mga job order workers apan nausab gumikan iyang giamiendahan.
Sa iyang ammendment nga ang P45 million nga ipalit og bugas, tinapa og noodles nga ihatag sa katawhan ang kuhaan og kapin sa P4 million ang ihatag sa mga job order workers aron mahimong P12,000 ang madawat nga christmas bunos.
Kahibaluan nga nagresulta pa sa pagboto ang maong sugyot nga mibabag si Kag. Edmar Yumang gumikan nakasabutan na nga alang sa welfare goods ang P45 million.
Gusto ni Gacal nga himoong P12,000 ang madawat nga christmas bunos sa mga job order workers sama sa nadawat sa miaging tuig.
