Giduso sa usa ka magbabalaud nga mahatagan ug christmas bonus ug libreng legal nga tabang ang mga barangay tanods sa tumong nga mailhan ang gihatag nga importante nga serbisyo aron mapabilin ang peace and order sa mga komunidad.
Giduso ni Bicol Saro Partylist Representative Brian Raymund Yamsuan ang House Bill 10909 nga maghatag ug benepisyo kauban ang libreng legal assistance ug insurance coverage.
Sa naasoy nga sogyot hatagan usab ug prayoridad ang mga barangay tanods sa livelihood programs sa national government o sa local government units.
Gibutyag ni Yamsuan nga importante ang papel sa mga tanod sa komunidad aron mapabilin ang kalinaw sa matag barangay.
Tungod matud pa sa ilang trabaho exposed ang mga nahisgutan sa mga kriminal ug nabutang sa peligro ang ilang kinabuhi.
Gipunto sa Kongresista nga tumong niini nga patas-an ang benepisyo ug paigo nga proteksiyon batuk sa mga potensiyal nga bahad nga atubangon.
