GENERAL SANTOS CITY -Gikatakda nga ilubong sa Enero 10, 2021, adlawng Domingo si Christine Angelica Dacera ang flight attendant nga namatay sa usa ka hotel sa Makati City.
Ang bangkay ni Dacera ang miabot sa GenSan kagahapon sa buntag nga gisugat sa iyang mga mahal sa kinabuhi.
Matud pa kang Sharon Dacera, inahan ni Angelica nga gihimo niini ang pakigbisog nga mahatagan og hustisya ang iyang anak gumikan dili niya gusto nga may laing babaye nga masusama ang mahitabo sa kinabuhi.
Sa isyu sa migawas nga mga videofootage, iyang gihingusgan nga kung may version ang laing mga tawo ang ilang kampo ang may kaugalingong version gihapon.
Gapanawagan si Sharon kang PNP Chief B/BGen. Debold Sinas nga kung may nahimong dili maayong ang ubang sakop sa Makati PNP angayang himoon og aksyon .
Una niini gimando sa Makati City Prosecutors Office sa Makati police nga pagawason sa selda ang tulo ka mga unang dinakpan may kalabutan sa kaso ni Dacera gumikan kulang ang mga ebedensya.
