Napakyas ang pagpatuman sa sentensiya sa kamatayon kang Christina Gail Pike sa Tennessee niadtong Miyerkules, Setyembre 30.
Duha ka doses sa ‘pentobarbital’ ang gihatag kaniya, apan nagpabilin siyang nagmata ug kusog pa ang paghagok human sa unang pagsulay.
Gidala siya sa ambulansiya gikan sa prisohan human sa maong insidente.
Gisugdan ang pagsulay sa ‘execution’ alas-7:27 sa gabii, samtang ang ikaduhang dose gihatag alas-8:26 sa gabii.
Nag-apelar dayon ang iyang mga abogado sa U.S. Supreme Court ug ubang korte aron ipahunong ug ipalangan ang pagpatuman sa sentensiya.
Si Pike, nga 18 anyos pa lamang sa dihang nahimo ang krimen niadtong 1995, unta mahimong unang babayeng gipatay pinaagi sa death penalty sa Tennessee sulod sa kapin 200 ka tuig kung madayon ang ‘execution’.
