Posible matod pa nga nangalap og intelligence ang Chinese research vessel nga nakita dili pa lamang dugay sa Babuyan Island, sumala sa US maritime expert nga si Ray Powell.
Una ng gikumpirma ni Philippine Coast Guard (PCG) spokesperson for the West Philippine Sea (WPS) Comm. Jay Tarriela nga nakita ang Chinese research vessel nga Xiang Yang Hong 05 sa distansiya nga 14.92 nautical miles gikan sa Babuyan Island.
Sa iyang X account, gibutyag ni Powell nga samtang duol sa lugar ang maong barko sa China naobserbahan ang paghinay sa lihok niini tali sa usa hangtod duha ka knots sa gawas lamang sa territorial sea, kasadpan sa Babuyan Island, bisag wala kini nagpahigayon og survey sa sulod sa exclusive economic zone sa Pilipinas.
Giingong nagpakita usab kini nga gipahimuslan sa research vessel ang higayon aron mangalap og intelligence samtang gaagi sa lugar.
