Nakit-an sa Philippine Navy (PH Navy) ang laing Chinese-flagged fishing vessel sa silangang bahin sa Pag-asa Island sulod sa Kalayaan Group of Islands sa West Philippine Sea pasado alas 3:00 sa hapon niadtong Sabado.
Matud pa ni Public Affairs Officer sa Western Naval Command Capt. Ellaine Rose Collado nga ang mga residente ug mananagat gikan niining bahina sa Pag-asa Island mismo ang nakakita sa na-stranded nga barko nga matod niya susama sa nakita sa Chinese maritime militia.
Gipadala dayon sa Philippine Coast Guard (PCG) ang ilang mga personahe sa kadagatan aron kumpirmahon ang presensya niini samtang gialerto usab dayon ang Armed Forces of the Philippines (AFP) alang sa posibleng tabang nga gikinahanglan sa PCG personnel.
Matod ni Collado nga nakaduol ang PCG sa nahimutangan sa maong barko ug gikompirmar nga nasangad ang maong barko sa mabaw nga bahin sa Pag-asa Island nga boluntaryong mibiya.
Samtang, sunodsunod nga gikumpirma ni Collado nga ang AFP andam nga magpadala sa ilang mga personahe alang sa posible nga emerhensya sa dagat.
Gitan-aw karon sa PH Navy kung ang hinungdan sa pag-ground sa barko tungod sa dili maayo nga panahon.
