Nipagawas ang Chinese Embassy sa Pilipinas og travel advisory sa ilang mga lungsuranon.
Ang nasangpit nga advisory nagpahayag sa giingong dili lig-on nga seguridad sa publiko sa nasud tungod ang mga Intsik ug ilang mga negosyo kanunay nga giimbestigahan ug giharas sa mga awtoridad sa Pilipinas. Tungod niini, ang risgo sa seguridad sa mga Chinese nationals misaka.
Gitambagan usab nila ang mga Chinese citizen nga naa sa Pilipinas ug bisan kadtong nagplano nga moadto sa nasud nga palig-onon ang pag-amping ug pagpangandam.
Gipugngan usab nila sila sa pagpatuyang sa dili hinungdanon nga mga kalipayan.
Gipahinumdoman usab nila ang mga Chinese national nga likayan ang mga lugar nga daghang tawo ug political gatherings diin kinahanglan nga mosunod sila kanunay sa balaod nga gipatuman.
Ila usab nga gipahimangnoan ang mga turistang Chinese nga mohimo una og risk assessment sa dili pa modesisyon nga mobisita sa Pilipinas.
Kahinumduman nga niadtong Enero ubay-ubay nga mga Chinese national ang nasikop tungod sa pasangil sa espiya sa Palawan ug Metro Manila.
Dugang pa sa panagbangi tali sa Pilipinas ug China sa gikaaway nga West Philippine Sea.
