Nanawagan ang Chinese Embassy sa Pilipinas sa gobyerno nga i-ban ang Philippine offshore gaming operations (POGOs) sa nasud nga kadaghanan sa nalambigit mga Chinese national.
Sumala sa Embahada, gibawal sa balaud sa China ang tanang matang sa pagsugal.
Istrikto usab matud pa nga ginapugngan sa gobyerno sa China ang mga katawhang Tsino nga malambigit sa negosyo sa pagsugal sa ubang nasud lakip ang POGO.
Gibutyag pa sa embahada nga ang POGO makaguba sa parehong interes ug imahen sa Pilipinas ug China apil na usab sa relasyon sa duha ka nasud.
Alayon niini nakig-alayon na matod pa ang gobyerno sa China sa mga awtoridad sa Pilipinas kabahin sa mga Chinese national nga nalambigt sa mga ilegal nga aktibidad sa nasud.
Hugot usab niining ginakontra ang unsa mang walay basehan nga akusasyon batok sa China may kalabotan sa isyu sa POGO.
Gihimo sa Embahada sa China ang maong pahayag isip tubag sa bag-uhay lamang nga pag-raid sa mga POGO hub sa probinsya sa Tarlac ug Pampanga.
