Nakaalerto ang Taiwan human nga na-detect ang usa ka Chinese aircraft carrier sa habagatan nga bahin sa isla.
Sumala sa Defense Ministry, nagsulod ang Liaoning aircraft carrier group sa dagat nga duol sa Bashi Channel og posible nga magpadayon sa Western Pacific.
Pahayag pa sa defense officials, preparado na sila nga magresponde pananglitan kinahanglanon gyud.
Kahibaluan nga pila ka tuig na nga ginapakusog sa China ang ilang military activities sa Taiwan sama sa pagpadala og warplanes og military aircraft samtang sagad usab nga maispatan ang Chinese ships duol sa katubigan sa maong teritoryo.
Ang pagpakita sa Liaoning aircraft carrier ang nahitabo human sa paandam ni US State Secretary Antony Blinken sa China kalabot sa “provocative” action sa Taiwan.
Kini human sa speech ni Taiwanese President Lai Ching-te sa National Day celebrations kun asa gitawag niini ang China nga “separatist” og nagpalabtik usab nga dili siya musugot sa “annexation” nga himuon sa Beijing sa isla.
