Nagpahigayon ang militar sa China og joint sea ug air patrols sa West Philippine Sea (WPS) niadtong Sabado, sumala sa pamahayag sa People’s Liberation Army (PLA) Southern Theater Command.
Sa usa ka pahayag, ang tigpamaba sa PLA nga si Tian Junli miingon nga ang Pilipinas nakig-alayon sa mga dili rehiyonal nga nasud sa pagpahigayon og “joint patrols,” nga giingong nakadugang sa risgo sa seguridad sa rehiyon.
Gipahayag usab ni Tian nga ang mga pwersa sa PLA nagpabiling alerto ug hugot nga gidepensahan ang soberanya sa China sa mga katungod sa maritime niini.
Gidugang usab niya nga ang mga kalihokang militar sa PH kauban ang ubang mga kaalyado mahimong makapasamot sa WPS o makapahinabog “flashpoints.”
Ang Philippine Embassy sa Beijing wala motubag sa mga hangyo alang sa komento.
Kahinumdoman nga padayong nigrabe ang tensyon tali sa China ug Pilipinas tungod sa panagbangi sa teritoryo sa WPS, nga usa ka importanteng ruta sa pamatigayon.
Gihisgutan usab nga kaniadtong 2016, gisalikway sa China ang desisyon sa Permanent Court of Arbitration nga nag-ingon nga ilegal ang mga pag-angkon niini sa rehiyon.
