Gikumpirma sa Philippine Coast Guard (PCG) nga sa labing una nga higayon migamit ang China og Long Range Acoustic Device (LRAD) para i-harass ang barko sa Pilipinas sa West Philippine Sea.
Sumala sa PCG kasagaran, mugamit ang China og water canons og mga delikadong manuevers aron hadlukon ang mga barko sa Pilipinas.
Sa usa ka pahayag gibutyag ni PCG spokesperson for the West Phil Sea Commodore Jay Tarriela nga migamit ang China og Long Range Acoustic Device (LRAD) nga usa ka specialized loudspeakers nga mahimong magpagawas ug taas nga kusog nga saba aron mahimong hinungdan sa pagkadaut sa eardrums apilo usab ang permanenteng pagkawala sa pangdungog.
Partikular nga gitumbok ni Tarriela ang China Coast Guard vessel nga may hull number 3103 ang migamit og LRAD para i-harass ang BRP Cabra (MRRV-4409) para pugngan ang pagduol niini.
Gibutyag ni Tarriela giilisan sa CCG-3103 ang CCG-3304 aron iligal nga magpatrulya sa bahin sa exclusive economic zone sa Pilipinas.
Bisan sa pagpangharass sa China Coast Guard, dili magpatarog niini ang BRP Cabra sa PCG. Padayon ang ginahimong lakang sa BRP Cabra aron malikayan ang pagsulod sa coastline sa Zambales.
Padayon usab ang paghatag og radio challenge sa PCG sa CCG og gibutyag nga ang ilang presensiya ang supak sa Philippine Maritime Zones Act, og United Nations Convention on the Law of the Sea (UNCLOS).
