Gikumpirma sa PhilippineCoast Guard (PCG) nga sa labing unang higayon migamit ang China og Long Range Acoustic Device (LRAD) aron i-harass ang ang barko sa Pilipinas sa West Philippine Sea.
Matud pa sa PCG nga kasagaran gagamit ang China og water canons og mga delikadong manuevers aron hadlokon ang mga barko sa Pilipinas.
Gibutyag ni PCG spokesperson for the West Phil Sea Commodore Jay Tarriela nga migamit og Long Range Acoustic Device (LRAD) ang China usa ka specialized loudspeakers nga pwede nga makapagawas og kusog nga tingog nga mahimong hinungdan nga madaut ang sa eardrums og permanenteng dili makadungog.
Partikular nga gitumbok ni Tarriela ang China Coast Guard vessel nga may hull number 3103 ang migamit og LRAD aron i-harass ang BRP Cabra (MRRV-4409) aron nga mapugngan ang pagduol.
Gikadugang pa ni Tarriela nga gipulihan sa CCG-3103 ang CCG-3304 nga iligal nga gapatrulya sa exclusive economic zone sa Pilipinas.
Luyo sa pagpangharass sa China Coast Guard wala nagpatarog ang BRP Cabra sa PCG.
Padayon ang gihimong lakang sa BRP Cabra aron nga dili makasulod sa coastline sa Zambales ang barko sa China.
Padayon usab ang radio challenge sa PCG sa CCG nga gisultian nga ang ilang presensiya ang supak sa Philippine Maritime Zones Act, og United Nations Convention on the Law of the Sea (UNCLOS).
