Chile gitay-og ug magnitude 7.4 nga linog

Gitay-og sa magnitude 7.4 nga linog ang rehiyon sa kadagatan sa Chile.

Ang linog miigo sa 219 kilometros sa baybayon sa siyudad sa Ushuaia, utlanan sa Argentina, ug adunay giladmon nga hangtod sa 10 kilometros.

Gumikan sa maong insidente, nipagawas sila og tsunami warning diin nakasinati sila og daghang aftershocks sa lugar.

Ang Presidente sa Chile nga si Gabriel Boric mimando sa pagbakwit sa mga residente duol sa lugar.

Moabot sa 1,700 ka tawo gikan sa rehiyon sa Magallanes, lakip ang 1,000 gikan sa lungsod sa Puerto Williams ug 500 ka tawo gikan sa Puerto Natales, ang gipabakwit ngadto sa mas taas nga dapit.