Chief of Police sa Polomolok Police Station, gi-relieve sa pwesto
GENERAL SANTOS CITY – Gi-relieve na si Police Chief Inspector Aldrin Gonzales, isip hepe sa Polomolok Municipal Police Station.
Kini ang gikumpirma ni P/S/Supt. Franklin Alvero, provincial director sa South Cotabato Police Provincial Office, kung asa nagsugod matud pa ang effectivity sa pagka-relieve kang Gonzales kaniadtong Oktobre 1, base sa kamanduan sa Police Regional Office 12.
Sumala pa nga may kalabutan ang maong lakang sa natigayong pagpusil sa depty chief of police sa nasampit nga presinto nga si P/S/Insp. Hernan Gabat miaging semana.
Sa karon, nakabase na sa Police Regional Office -12, samtang may gihulip na kaniya isip OIC chief of police sa nasampit nga presinto.
