Nanawagan si Chel Diokno sa Department of Education nga aksyunan ang nagpadayon nga “kultura sa kahilom” sa mga biktima sa bullying human sa insidente sa pagpamusil sa usa ka eskwelahan sa Tacloban City nga mikalas sa kinabuhi sa tulo ka estudyante ug nakasamad sa 20 pa ka uban.
Sumala sa mga report, giingong nakaagi og bullying ang duha ka menor de edad nga suspek sa insidente sa San Jose National High School. Gipasiugda ni Diokno nga kinahanglan magpabiling luwas nga lugar ang mga eskwelahan ug walay luna ang bullying sa mga institusyon sa pang-edukasyon.
Gihangyo usab niya ang usa ka lawom nga imbestigasyon sa posibleng kakulang sa seguridad human nakasulod ang armas sulod sa eskwelahan.
Dugang pa sa mambabatas, kinahanglan usab nga atubangon ang mga hinungdan sa kapintasan sama sa bullying, mga problema sa panimalay ug online spaces, ingon man ang mga kakulangan sa regulasyon ug pagpatuman sa balaod sa armas.
Samtang, giawhag ni Diokno ang DepEd nga mag-gahin og pondo alang sa pagpalapad sa mga anti-bullying program, lakip na ang Learner TeleSafe helpline, aron mas mapalig-on ang proteksyon ug kaayohan sa mga estudyante.
