GENERAL SANTOS CITY – Padayon ang backtracking nga gipahigayon sa mga otoridad sa pagpamusil patay sa usa ka checker sa chicken dressing company sa Purok 3, Barangay Conel, pasado alas 11 kagahapon adlawa.
Blangko ang pamilya sa posibleng motibo sa mga suspek nganong gipusil -patay si Manulo Lasib, 33 anyos nga gipusil patay kini sa nakamotorsiklo samtang anaa sa usa ka auto shop sulod sa compound.
Matud sa pamilya nga walay kabikil ang biktima sa ilang alugar samtang walay nasayran nga adunay bahad sa kinabuhi. Sa impormasyon sa kapulisan nga duha ka motor riding suspects ang nakit-ang mipusil sa biktima.
Apan sumala sa mga testigo nga may tabon sa nawong ang mga suspek hinungdan nga wala mailhan.
Samtang sa pikas bahin, padayon usab ang imbestigasyon ssa kapulisan sa pagpusil patay niadtong Sabado sa dispatcher sa termnal sa pampasaheruan nga van sa Brgy. Dadiangas North ning syudad.
Giila ang biktima nga si Budiol Garcia nga taga Purok Bagangga Apopong.
Samtang naglingkod ang biktima kalit nga gipusil sa suspek.
