GENERAL SANTOS CITY – Walay adjustment alang kang Police Major Robert Fores sa bag-o niining assignment human nahimong labaw sa usa sa labing bag-o nga presento sa dakbayan.
Siya ang ikaduha nga chief of Police sa presento nueve nga adunay area of responsibility nga Mabuhay, Conel ug Olympog.
Matud ni Fores nga halos magpareha ang popolasyon sa Makar Police station ug sa Mabuhay Police station.
Nakalabay nga adlaw gipahigayon ang change of command sulod sa camp fermin Lera sa pagpanguna ni Lt Col Janmar Remudaro ang deputy for Administration sa general Santos City Police Office.
Giawhag ni Fores si Major Carl Baynosa nga mihulip sa iyang pwesto nga himuon ang labing maayo isip bag-ong labaw sa presento.
Kahinumduman nga sa 75 ka adlaw nga pagserbisyo ni Fores sa Makar Police station nakahimo kini ug dako nga kalampusan ug kini ang pagdakop sa mga suspek nga mipatay sa usa ka cowboy kung asa mitago pa sa balut island ang mga suspek human gibisto sa ilang kainum.
