Chairperson sa Committee on Transportation sa Syudad giangkon nga hangtud karon daghan pa ang wala nakasabot sa konsepto sa kooperatiba

GENERAL SANTOS CITY – Giangkon ni Kag. Dominador “Jun” Lagare, Chairperson sa Committee on Transportation sa Konseho nga hangtud karon daghan ang wala nakasabot sa konsepto sa kooperatiba.

Kini ang usa sa mga rason nganong dili una ipadayon ang pagpanakop sa mga tricycle drivers tungod ila pa kining ipasabot sa mga nasampit.

Gikadugang pa sa opisyal nga hatagan siya og panahon tungod maresolba gayud ang isyu sa sector sa transportasyon sa dakbayanan.

Kahibaluan nga daghan ang wala pa nagpa-miembro sa kooperatiba sa tricycle sa Dakbayan gumikan wala pa hingpit nakasabot.

Gawas pa nga daghan pa usab ang wala misalig sa kooperatiba.

Apan gipasalig ni Kag. Lagare nga isip ekonomista maayo ang kooperatiba kung asa daghan ang nagmalambuon.